एनसेल मेलामा झुमे दर्शकहरु
काठमाडौं, असोज ११ – देशकै प्रमुख मोवाइल सेवा प्रदायक कम्पनी एनसेलले आफ्ना ग्राहक तथा शुभचिन्तकसँग दशैंको शुभकामना तथा खुशीयाली साट्ने क्रममाशनिवार जावलाखेलमा मनोरञ्जनात्मक कार्यक्रमले भरिपूर्ण एनसेल मेला आयोजना गरेको छ ।बडादशैंको सुअवसरमा देशका आठ प्रमुख शहरहरु – विर्तामोड, विराटनगर, सिन्धुली बजार, बिरगंज, नारायणगढ, दाङ तुलसीपुर र नेपालगंजमा हजारौं ग्राहक तथा शुभचिन्तकलाई मनोरञ्जन गराए पश्चात एनसेल मेला शनिवार जावलाखेलमा भएको हो ।
मेलामा रहेको मिनि गल्फ, रावणलाई मार, डार्ट, रिंग टस तथा पेपर टस लगायतका गेम स्टलहरुमा युवाहरुको घुइचो लागेको थियो । पिंग तथा चंगा चेट प्रतियोगितामा पनि उतिकै भिड थियो । वालवालिका तथा युवाहरु फेस पेन्टिङ गर्दै मेलामा फोटो स्टुडियोमा फोटो खिच्न मस्त देखिन्थे भने सपरिवार आएका आगन्तुकहरुले पनि विभिन्न स्टलहरुमा खेल खेल्दै मेलामा आनन्द लिएका थिए ।मेलामा मनोरञ्जनात्मक कार्यक्रमहरु सँगै शुभकामना तथा उपहारहरु आदान प्रदान गरिएको थियो । विभिन्न स्वादका परिकारहरु पस्किरहेका खानाका स्टलहरुले आगन्तुकलाई आकर्षित गरेको थियो । मेलामा एनसेलका तर्फबाट रहेको स्टलहरुबाट आगन्तुकले एनसेलका सेवाहरुको जानकारी लिदै, सिम तथा रिचार्ज कार्डहरु खरिद गरेका थिए ।
गीत–संगितको प्रस्तुतीले मेलालाई थप मनोरञ्जनात्मक बनाएको थियो ।
कन्सर्टमा गायक आस्था बिले प्रस्तुती दिंदा युवायुवतीहरुको उपस्थिती बढ्दै गएको थियो भनेसुगम पोखरेलको प्रस्तुतीमा दर्शकहरु झुम्दै नाचेका थिए । महोत्सवका आकर्षणमा रहेका गायकहरु दिपक बज्राचार्य, मुक्ति एण्ड रिभाइभल, यम वुद्ध लगायतले आ–आफना चर्चित गीतहरु गाउदा दर्शकहरु पनि सँगसँग नाचेका थिए ।
हास्य कलाकार जितु नेपालले उपस्थित सबैलाई मेच मिचिमिचि हसाएका थिए ।
“चाडपर्वको सुअवसरमा आफ्ना ग्राहकलाई धन्यवाद ज्ञापन गर्न तथा शुभकामना आदान प्रदान गर्न हामीले एनसेल मेला गरेका थियौं । प्रत्येक सहरमा हजारौंको संख्यामा उपस्थित भई मेलालाई भव्यताका साथ सफल बनाउनु भएकोमा हामी सबैलाई धन्यवाद दिन चाहन्छौं । यसले हामीलाई थप उर्जा प्रदान गरेको छ,” एनसेलकी कर्पोरेट कम्युनिकेशन निर्देशक सञ्जु कोइरालाले भनिन् ।
मेला ११ः०० बजेबाट सुरु भएको थियो ।
(ratopati)
No comments:
Post a Comment
मनमा लागेका कुरा लेख्नुहोस्,केहि सुझाब सल्लाहा समेत