रेकर्ड तोड्दै ‘ह्याप्पी न्यु इयर’ले पहिलो दिनमै कमायो ४४.९७ करोड

(एजेन्सी) दिपावलीको अवसर पारेर रिलिज भएको फराह खान निर्देशित चलचित्र ह्याप्पी न्यु इयरले बक्स अफिसमा बम्पर ओपनिङ गरेको छ ।

शाहरुख खान, दीपिका पादुकोण, अभिषेक बच्चन, सोनु सूद, बोमन इरानी र विवान शाह अभिनित यस चलचित्रले पहिलो दिननै लगभग ४४.९७ करोड रुपैयाँको व्यापार गर्दै नयाँ रेकर्ड बनाएको छ । बलिवुडका ट्रेड एनालिस्ट तरण आदर्शले यसबारे जानकारी आफ्नो ट्वीटर एकाउन्टमा दिएका छन् ।

उनका अनुसार ह्याप्पी न्यु इयरले पहिलो दिन हिन्दीमा ४२.६२ करोड, तेलुगुमा १.४३ करोड र तामिलमा ९२ लाख कमाएको छ ।

यसअघि पहिलो दिनमै सबैभन्दा बढी कमाई गर्ने चलचित्रको रेकर्ड आमिर खान अभिनित चलचि धुम ३ को नाममा थियो । उक्त चलचत्रिले पहिलो दिनमा ३६ करोड रुपैयाँ कमाएको थियो ।