गाडीको ठक्करबाट चितुवाको मृत्यु (फोटोफिचर)

चितवन, असोज ३० –पूर्व–पश्चिम राजमार्ग अन्र्तगत चितवनको टिकौली जंगलमा आज बिहान एक चितुवा मृत अवस्थामा फेला परेको छ ।

अन्दाजी ५० र ५५ केजीको सो चितुवाको गर्धन भाँचिएको र टाउकोमा चोट लागेको अवस्थामा फेला परेको थियो ।

चितुवालाई गाडीले ठक्कर दिएको चितवन राष्ट्रिय निकुञ्जका पशु चिकित्सक चित्रबहादुर खड्काले जानकारी दिए । चितुवाले बाटो काट्ने क्रममा गाडीको ठक्करबाट मृत्यु भएको र चितुवालाई अहिले भरतपुर–१२ स्थित जंगल सडकमा गाडीले ठक्कर दिँदा मृत्यु भएको जिल्ला प्रहरी कार्यालय चितवनले जानकारी दिएको छ ।

चितुवालार्ई अहिले सशस्त्र रक्षक तालिम केन्द्र टिकौलीमा राखिएको छ ।

जंगलको बीचमा राजमार्ग हुँदा सवारी साधनको ठक्करबाट पटक–पटक वन्यजन्तुको मृत्यु हुने गरेको छ । केही महिनाअघि पनि सोही सडक खण्डमा गाडीको ठक्करबाट चित्तलको मृत्यु भएको थियो ।

साभार -रातोपाटि